Ստամբուլի ոստիկանության նահանգային շենքը ապրիլի 1-ի երեկոյան զինված հարձակման է ենթարկվել:

Թուրքական Sozcu պարբերականի փոխանցմամբ՝ Ստամբուլի նահանգային ոստիկանության շենքի ուղղությամբ երեք զինված անձ հրազենային կրակ են արձակել: Ոստիկանները պատասխան կրակ են բացել, որի հետեւանքով զինված հարձակվողներից մեկը տեղում մահացել է: Հարձակվողներից մեկին վիրավոր ձերբակալել են, իսկ երրորդին հաջողվել է անհետանալ դեպքի վայրից:

Նշվում է, որ զինված հարձակումը տեղի է ունեցել ռուսական արտադրության Կալաշնիկով ինքնաձիգերից:

Ստամբուլի նահանգապետարանի հայտարարության մեջ նշվել է, թե զինված հարձակում իրականացնողներից մեկը կին է եղել, ով սպանվել է փոխհրաձգության ժամանակ: Սպանված կնոջ մոտի եղել է ավտոմատ հրազեն եւ ռումբ: