Այս տարի Հայաստանում տեղի կունենա «Երգում ենք Կոմիտաս» մեծ փառատոնը: Միջոցառման ծրագիրը հավանության է արժանացել կառավարության այսօրվա՝ ապրիլի 2-ի իր նիստում:
Սփյուռքի նախարար Հրանուշ Հակոբյանը նշել է, որ մեծ երգահանին նվիրված արվեստի տոնին կհրավիրվեն համույթներ ու կատարողներ Հայաստանից, ԼՂՀ-ից ու սփյուռքից: Համերգները կկայանան համերգային դահլիճներում եւ Երեւանի բաց հրապարակներում: Ծրագիր է նախատեսվում նաեւ Էջմիածնում:
«Փառատոնը կօգնի մեր երկրի ու ժողովրդի ազգային հարստություն համարվող մեծ երգահանի արվեստի քարոզմանն ու տարածմանը»,-ասել է նախարարը:
