Ինձ շատ դուր եկավ, թե ինչպես էր Հայաստանի հավաքականը խաղում առաջին խաղակեսում: Ես հասկանում էի, թե ինչ էր ցանկանում Շալանդը և չէի հասկանում ալբանացիների ուզածը:Այդ մասին NEWS.am թղթակից Վերա Մարտիրոսյանի հետ զրույցում ասաց Ալբանիա – Հայաստան (2:1) Եվրո-2016-ի ընտրական խաղը մեկնաբանած Իլյա Կազակովը: «ВГТРК»-ի մեկնաբանն ու Ռուսաստանի հավաքականի մամլո խոսնակն ամփոփեց Հայաստանի հավաքականի հերթական անհաջող խաղն այս ընտրական փուլում:

Ի՞նչ կասեք Ալբանիա - Հայաստան խաղի մասին: Ո՞րն էր Հայաստանի հավաքականի պարտության պատճառը:

Ինձ թվաց, որ թիմում «դիզբալանս» է: Հիշում եմ՝ Գուս Հիդինկը ասում էր, որ ամենակարևորը թիմին ընդհանուր մակարդակի բերելն է: Շատ վատ է, երբ թիմում կան մի քանի բարձրակարգ խաղացողներ, իսկ մյուսները բավական թույլ են: Ընդհանուր մակարդակն ավելի կարևոր է, քան մի քանի աստղեր ունենալը: Այս պահին Հայաստանում կա երկու բարձրակարգ ֆուտբոլիստ՝ Մխիթարյանն ու Մովսիսյանը: Ալբանիացիների մարզիչը հիանալի հասկացավ, որ Հայաստանի աջ եզրը չի հասցնում և ամբողջ ուժը կենտրոնացրեց հենց այնտեղ: Բացի այդ, ճնշումը ուժեղացրին երկու եզրերում էլ, և Հայաստանի պաշտպանության գիծը պարզապես պատռվեց: Հայաստանի հավաքականի պաշտպանների մակարդակն այնքան էլ բարձր չէ՝ անգամ եթե համեմատենք ալբանացիների հետ, իսկ դաշտի տերերն ինձ շատ դուր եկան:

Յուրա Մովսիսյանի խաղը դո՞ւր եկավ Ձեզ:

Այն, որ Յուրան դարձավ գոլի հեղինակ կամ ինքնագոլ եղավ հենց նրա հարձակումից հետո, արդեն իսկ նշանակում է, որ նա մի բան արել է: Ինձ նրա խաղն այնքան էլ դուր չեկավ: Դա նրա խաղը չէր, բայց հավաքականի առաջատար ֆուտբոլիստներից ոչ ոք էլ չուներ խաղային լավ պրակտիկա:

Խաղից հետո Բեռնար Շալանդին մեղադրում էին փոփոխություններն ուշացնելու ու դրանք չկռահելու մեջ: Ակնհայտ էր, որ Մովսիսյանի ու Մանուչարյանի խաղը չէր ստացվում: Գուցե արժե՞ր նրանց ավելի շուտ փոխարինել:

Մովսիսյանին կարելի է քննադատել, բայց ինձ ավելի քիչ դուր եկավ Մխիթարյանի խաղը: Նրա կարգն ավելի բարձր է, քան Մովսիսյանինը: Առաջին խաղակեսում նա կատարեց լավ անցում, որը բերեց գոլի, իսկ հետո ևս մեկ լավ պահ ունեցավ և վերջ: Երկրորդ խաղակեսում նա սկսեց գնդակը հաճախ կորցնել եւ իրենց բավական առաջ թողնել: Ինձ թվում է՝ նա տաքարյուն է և չէր կարողանում հանգստանալ և վստահություն ձեռք բերել: Ինչ վերաբերում է փոփոխություններին, ինձ դժվար է պատասխանել այդ հարցին: Ես պարզապես չհասկացա, թե ինչու աջ պաշտպան դուրս չբերեցին խաղադաշտ, այլ ֆուտբոլիստներից մեկին իջեցրին աջ եզր:

Սիրու՞մ եք ֆուտբոլ , այդ դեպքում ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԻ MasterCard UEFA Champions League քարտը հենց Ձեզ համար է. Ֆուտբոլային թեմայով ձևավորված MasterCard UEFA Champions League  քարտի առկայությունը Ձեր դրամապանակում պարզապես անհրաժեշտություն է, քանի որ այն նախատեսված է իսկական ֆուտբոլասերների համար` հնարավորություն ընձեռելով ոչ միայն տնօրինել Ձեր ֆինանսական միջոցները, այլ նաև ստանալ պարգևատրուներ UEFA Chempiones League լոգոտիպը կրող տարատեսակ հուշանվերներ UEFA ի պաշտոնական էջից:
Մանրամասներին ծանոթացեք այստեղ:

Ինչպե՞ս էր պետք խաղալ Ալբանիայի պես թիմի դեմ:

Ինձ շատ դուր եկավ, թե ինչպես էր Հայաստանը խաղում առաջին կեսում: Ես հասկանում էի, թե ինչ էր ցանկանում Շալանդը և չէի հասկանում ալբանացիների ուզածը: Երկրորդ խաղակեսում հայերը սկսեցին ավելի խորը «նստել» սեփական տուգանային հրապարակի մոտ, ինչի պատճառով էլ ալբանացիներն առանց որևէ խնդրի դուրս էին գալիս կենտրոնական գոտուց:

Գուցե և հայ ֆուտբոլիստների ուժերը չբավականացրին: Ալբանիայի հավաքականի մարզիչը բավականին խելացի քայլ է արել: Նա իր ֆուտբոլիստներին բավական մատչելի գներով առաջարկում է եվրոպական տարբեր թիմերին: Քանի որ Ալբանիան գտնվում է Եվրոպայի սրտում, նրանց համար շատ հեշտ է շատ արագ տեղափոխվել առաջնություններից որևէ մեկը: Այսօր նրանք հանդես են գալիս եվրոպական տարբեր առաջնություններում եւ լավ դիմակայուն են ու պատրաստված: Կարծում եմ՝ Հայաստանում միայն Մխիթարյանն է, որ կարող է ամբողջ խաղն անցկացնել այդպես, սակայն ոչ այս պահին:

Վերա Մարտիրոսյան / Vera&Football