Այս տարեսկզբից մինչ օրս Հայաստանում արձանագրվել է մահվան ելքով մարմնական վնասվածք հասցնելու 9 դեպք, որից բացահայտվել է 4-ը: Նույն ժամանակահատվածում արձանագրվել է մարմնական վնասվածք հասցնելու 1724 դեպք, բացահայտվել է 1591-ը:
Ինչպես NEWS.am-ը տեղեկանում է ոստիկանության մամուլի ծառայությունից, բացահայտվել է նաեւ նախկինում կատարված նմանատիպ հանցագործության 20 դեպք: Արձանագրվել է բռնաբարության կամ բռնաբարության փորձի 33 դեպք, բացահայտվել է 31-ը:
2009 թ. նույն ժամանակահատվածում արձանագրվել է մահվան ելքով մարմնական վնասվածք հասցնելու 10 դեպք, բացահայտվել է 8-ը, իսկ մարմնական վնասվածք հասցնելու 1708 դեպքից բացահայտվել է 1538-ը: Բացահայտվել է նաեւ նախկինում կատարված նմանատիպ հանցագործության 22 դեպք:
Արձանագրվել է բռնաբարության կամ բռնաբարության փորձի 37 դեպք, բացահայտվել է 35-ը: Բացահայտվել է նաև նախկինում կատարված նմանատիպ հանցագործության 4 դեպք:
