Հայաստանի ազգային հավաքականի եւ Սամարայի «Կռիլյա Սովետովի» նախկին ֆուտբոլիստ Կարապետ Միքայելյանի առողջական վիճակը կրկին վատացել է:
2013-ի մարտի 14-ին Միքայելյանը ենթարկվել էր սրտի վիրահատության, որի համար գումար էին հավաքում Ռուսաստանում եւ Հայաստանում: Ֆուտբոլիստին փրկելու կոչին արձագանքեցին բազմաթիվ երկրպագուներ, ինչպես նաեւ «Կռիլյա Սովետով» ակումբը եւ Հայաստանի ֆուտբոլի ֆեդերացիան: Մարտ ամսին Միքայելյանի առողջական վիճակը կրկին վատացել է, ինչի պատճառով նա երկու անգամ հայտնվել է հիվանդանոցում:
NEWS.am թղթակից Վերա Մարտիրոսյանը զրուցել է նախկին ֆուտբոլիստի հետ:
«Նախորդ ամիս երկու անգամ հայտնվեցի հիվանդանոցում: Այժմ սրտիցս բացի, խնդիրներ ունեմ նաեւ սրտի փականի և լյարդի հետ: Հնարավոր է, որ կրկին վիրահատության կարիք կլինի: Ես արդեն մեկ անգամ ասել եմ, որ ՀՖՖ-ն ֆինանսապես օգնել է ինձ, ինչի համար շատ շնորհակալ եմ: Որպես հաշմանդամ ստանում եմ 15 հազար ռուբլի: Կինս է աշխատում: Դա է մեր եկամուտը: Փողերը շատ արագ ծախսվում են, քանի որ մեծ գումարներ եմ ծախսում դեղերի վրա և, ցավոք, ամբողջ կյանքս ստիպված կլինեմ օգտագործել այդ դեղերը: Պառկում եմ հիվանդանոց, կարծես թե ապաքինվում եմ, բայց տուն վեադառնալիս կրկին ցավեր են սկսվում: Մշտապես անալիզներ եմ հանձնում: Եթե բացասական շարժ չի նկատվում, բժիշկները խորհուրդ են տալիս շարունակել խմել դեղեր, բայց հիմա արդեն ասացին, որ բժշկական միջամտություն է պետք, իսկ ես այս պահին դա չեմ կարող թույլ տալ ինձ:
Սիրու՞մ եք ֆուտբոլ , այդ դեպքում ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԻ MasterCard UEFA Champions League քարտը հենց Ձեզ համար է. Ֆուտբոլային թեմայով ձևավորված MasterCard UEFA Champions League քարտի առկայությունը Ձեր դրամապանակում պարզապես անհրաժեշտություն է, քանի որ այն նախատեսված է իսկական ֆուտբոլասերների համար` հնարավորություն ընձեռելով ոչ միայն տնօրինել Ձեր ֆինանսական միջոցները, այլ նաև ստանալ պարգևատրուներ UEFA Chempiones League լոգոտիպը կրող տարատեսակ հուշանվերներ UEFA ի պաշտոնական էջից:
Մանրամասներին ծանոթացեք այստեղ:
Անգամ թշնամուն չեմ ցանկանա այն, ինչի միջոց ես հիմա անցնում եմ: Ինձ ամոթ է ասել, բայց իսկապես գումարի կարիք ունեմ, քանի որ բուժումը եւ վիրահատությունը գումարներ են:
Մեկ անգամ սփյուռքի ներկայացուցիչների այցեքարտ տվեցին, ես զանգահարեցի և ներկայացրի իմ իրավիճկաը: Նրանք լսեցին եւ ասացին կզանգահարեն, բայց չզանգեցին: Ես ոչ ոքից խնդրել կամ սպասել չեմ կարող»,- զրույցում ասաց ֆուտբոլիստը:
Վերա Մարտիրոսյան / Vera&Football