Վրաստանի բնակչության գլխավոր խնդիրը նոր աշխատատեղերի բացակայությունն է: Այդ մասին են վկայում Ազգային դեմոկրատական ինստիտուտի հետազոտության արդյունքները: Հունիսի 24-ից հուլիսի 5-ն անցկացրած հարցմանը մասնակցել է 2053 մարդ, հաղորդում է Грузия Online-ը:
Հարցվածների 65 տոկոսը նշել է, որ ազգային կարեւորության խնդիրների շարքում առաջին տեղը զբաղեցնում է նոր աշխատատեղերի ստեղծումը: 59 տոկոսը կարծում է, որ քաղաքական գործիչներն այդ հարցին քիչ ուշադրություն են դարձնում, իսկ 83 տոկոսը կարծում է, որ տեղական նոր իշխանությունները հատուկ ուշադրություն պետք է դարձնեն հենց այդ հիմնախնդրին: