Պաշտոնական այցով Իտալիայի Հանրապետությունում գտնվող նախագահ Սերժ Սարգսյանն այսօր Իտալիայի Նեապոլ քաղաքի Սուրբ Գրիգոր Լուսավորիչ եկեղեցում ներկա է գտնվել Գարեգին Բ Ծայրագույն Պատրիարք եւ Ամենայն Հայոց Կաթողիկոսի եւ կարդինալ Սեպեի կողմից մատուցված եկեղեցական արարողությանն ու Հայոց ցեղասպանությանը նվիրված հուշակոթողի՝ Ջուղայի խաչքարերից մեկի կրկնօրինակ խաչքարի բացման եւ օծման արարողությանը: Հանրապետության Նախագահը խաչքարի բացման եւ Սբ. Գրիգոր Լուսավորչի մասունքների վերադարձի կապակցությամբ հանդես է եկել ելույթով: (ֆոտոռեպորտաժ)
«Il.Mattino» պարբերականի փոխանցմամբ՝ Սուրբ Գրիգոր Լուսավորիչ հայկական եկեղեցում տեղի կունենա վերանորոգված dell'Esedra շատրվանի բացման և Հայոց ցեղասպանությանը նվիրված հուշակոթողի՝ Ջուղայի խաչքարերից մեկի կրկնօրինակ խաչքարի օծման արարողությանը: Ըստ թերթի` վերականգման և խաչքարի տեղադրման ծախսերը հոգացել է Վատիկանում Հայաստանի Հանրապետության դեսպանությունը` որպես ընծա Նեապոլ քաղաքին:
Կեսօրին սկսվել է պատարագը՝ Ամենայն հայոց Կաթողիկոս Գարեգին Բ-ի, Մեծի Տան Կիլիկիո Կաթողիկոս Արամ Առաջինի, Կիլիկիայի Հայ Կաթոլիկ եկեղեցու Պատրիարք Ներսես Պետրոս 9-րդի և Նեապոլի Արքեպիսկոպոս Կարդինալ Սեպեյի կողմից, ինչից հետո խաչքարը էտեղադրվել քաղաքի Սուրբ Գրիգոր Լուսավորիչ եկեղեցում:
Խաչքարի տեղադրման արարողությանը, պարբերականի հաղորդմամբ, ներկա են եղել Նեապոլի քաղաքապետ Լուիջի Դե Մագիստրիսը, նահանգապետ Ստեֆանո Կալդորոն, ինչպես նաև քաղաքացիական և ռազմական ղեկավարության ներկայացուցիչներ:
Միջոցառման ընթացքում հասարականան, քաղաքական, տնտեսական հատվածները ներկայացնող մի խումբ հայ եւ իտալացի գործիչների նախագահ Սերժ Սարգսյանը հանձնել է Հայաստանի Հանրապետության պետական բարձր պարգեւներ: Պարգեւները շնորհվել են Հայոց ցեղասպանության ճանաչման, Հայաստանի եւ Սուրբ Աթոռի միջեւ երկկողմ կապերի ամրապնդման, Լեռնային Ղարաբաղի Հանրապետության անկախության ճանաչման, հայրենիք-սփյուռք կապերի ամրապնդման, հոգեւոր արժեքների տարածման, հայ-իտալական մշակութային, բարեկամական կապերի ամրապնդման, ինչպես նաեւ հայանպաստ ակտիվ հասարակական-քաղաքական գործունեության, տնտեսության բնագավառում եւ հայապահպանության գործում ներդրած ավանդի համար:
Միջոցառման ընթացքում հասարականան, քաղաքական, տնտեսական հատվածները ներկայացնող մի խումբ հայ եւ իտալացի գործիչների նախագահ Սերժ Սարգսյանը հանձնել է Հայաստանի Հանրապետության պետական բարձր պարգեւներ: Պարգեւները շնորհվել են Հայոց ցեղասպանության ճանաչման, Հայաստանի եւ Սուրբ Աթոռի միջեւ երկկողմ կապերի ամրապնդման, Լեռնային Ղարաբաղի Հանրապետության անկախության ճանաչման, հայրենիք-սփյուռք կապերի ամրապնդման, հոգեւոր արժեքների տարածման, հայ-իտալական մշակութային, բարեկամական կապերի ամրապնդման, ինչպես նաեւ հայանպաստ ակտիվ հասարակական-քաղաքական գործունեության, տնտեսության բնագավառում եւ հայապահպանության գործում ներդրած ավանդի համար:
Հանրապետության Նախագահին շնորհվել է Նեապոլ քաղաքի շքանշան, որը Սերժ Սարգսյանին հանձնել է քաղաքապետ Լուիջի դե Մաջիստրիսը:
Միջոցառման նախաձեռնողն ու կազմակերպիչը Սուրբ Աթոռում ՀՀ դեսպան Միքայել Մինասյանն էր, ով Ամենայն Հայոց Կաթողիկոսի կողմից պարգևատրվեց բարձրագույն եկեղեցական պարգևով՝ Անանիա Շիրակացի շքանշանով
«Այս միջոցառումն ավելի է սերտացնելու կապերը Հայաստանի` Գրիգոր Լուսավորչի հայրենիքի և Նեապոլի միջև, որի գլխավոր փողոցներից մեկը անվանված է հենց Գրիգոր Լուսավորչի պատվին»,-գրել է իտալական պարբերականը: