Վատիկանում Հայոց ցեղասպանության զոհերի հիշատակին նվիրված պատարագի ընթացքում Հռոմի Պապի ելույթից հետո Թուրքիայի ԱԳՆ է կանչվել Անկարայում Վատիկանի դեսպանը:
Թուրքական Anadolu գործակալությունը հայտնել է, թե դիվանագիտական աղբյուրներից տեղեկացրել են, որ Հռոմի Պապի կողմից Հայոց ցեղասպանությանը վերաբերյալ ելույթից հետո Անկարայում Վատիկանի դեսպան Անտոնիո Լուչիբելոյին կանչել են Թուրքիայի արտաքին գործերի նախարարություն:Նշվում է, որ Վատիկանի դեսպանի հետ ԱԳՆ-ում հանդիպել է ԱԳՆ փոխնախարարներից մեկը:
Նշենք, որ ապրիլի 12-ին Վատիկանում Հայոց ցեղասպանության զոհերի հիշատակին Հռոմի Պապի կողմից հատուկ պատարագ է անցկացվել: Հռոմի Պապն իր խոսքում նշել էր, որ 20-րդ դարի սկզբին հայ ժողովրդի հանդեպ ցեղասպանություն է տեղի ունեցել: Այս արտահայտությունը կատաղեցրել է թուրքական իշխանություններին:
