Օխոտի ծովում «Դալնի Վոստոկ» ձկնորսական նավի խորտակման հետեւանքով անհետ կորած համարվող ձկնորսների որոնումները դադարեցվել են։ Այս մասին տեղեկացնում է «ՌԻԱ Նովոստի»-ն։
«Կիրակի ակտիվ որոնումները դադարեցվել են, սակայն տարածքով անցնող նավերը կդիտարկեն տարածքը»,- գրում է գործակալությունը։
Ավելի վաղ դադարեցվել էին նաեւ օդային որոնումները։
Հիշեցնենք, որ «Դալնի Վոստոկ» ձկնորսական նավը, որի տախտակամածին կար 132 մարդ, խորտակվել էր Օխոտի ծովում՝ Մագադանից 300 կմ հարավ ընկած տարածքում։ Հաջողվել էր փրկել 63 հոգու։ 57 մարդ զոհվել է, եւս 12 նավաստու ճակատագիր անհայտ է մնում։
