Time պարբերականը հրապարակել է մոլորակի ամենահեղինակավոր մարդկանց վարկանիշը: Ամսագրի ընթերցողները անձանց ընտրել են ելնելով համաշխարհային կյանքում նրանց ունեցած դրական կամ բացասական ներդրումից:
Պաշտոնապես վարկանիշային ցանկը կհրապարակվի ապրիլի 16-ին, բայց այն արդեն հայտնվել է համացանցում: Հայտնի է, որ վարկանիշը գլխավորել է ՌԴ նախագահ Վլադիմիր Պուտինը. Նա ստացել է 6,95 տոկոս ձայն: Երկրորդ տեղում հարավկորեացի երգչուհի Լի Չհե Ռինն է, ով առավել հայտնի է որպես CL: Նրան հաջորդում են Լեդի Գագան, Ռիհաննան, եւ Թեյլոր Սվիֆթը, հաղորդում է «МК»-ն: