Հունիսի 20-ին, ժամը 04.50-ին, Միքայելյանի անվան վիրաբուժության ինստիտուտից ոստիկանության Քանաքեռ-Զեյթունի բաժնում հաղորդում է ստացվել, որ մարմնի տարբեր մասերի ծակած-կտրած վերքերով բուժօգնության են դիմել 37-ամյա Սիմոն Յ.-ն եւ 38-ամյա Կարապետ Ս.-ն:
Ինչպես NEWS.am-ը տեղեկանում է ՀՀ ոստիկանության մամուլի ծառայությունից, մեկնած օպերատիվ խումբը պարզել է, որ ժամը 02.00-ին Դրոյի փողոցի թիվ 14 շենքի մոտ, վիճաբանության ժամանակ, 4 անհայտ անձինք սուր ծակող գործիքով հարվածել են Սիմոն Յ.-ին եւ Կարապետ Ս.-ին:
Ձեռնարկված օպերատիվ-հետախուզական միջացառումների արդյունքում` հուլիսի 26-ին, ժամը 22-ին, Բագրատաշենի սահմանային անցակետից բերման է ենթարկվել 43-ամյա, նախկինում դատապարտված Կարեն Ա.-ն: Նա խոստովանել է, որ Սիմոն Յ.-ին եւ Կարապետ Ս.-ին դանակով հարվածել եւ վնասվածքները պատճառել է ինքը:
Կարեն Ա.-ն ձերբակալված է: Կատարվում է նախաքննություն: