Renault ընկերությունը նոր կոմպակտ հեչբեկ է մշակել, որը կներկայացվի մայիսի 20-ին: Այս մասին գրել է Autocar ընկերության հնդկական տարբերակը: Ներկայում մեքենան ներգործարանային XBA ինդեքսն ունի, սակայն, Motor Octane տեղեկություններով, այն վերանվանելու են Kayou:
Նորույթը 45-ից 50 ձիաուժ հզորությամբ 0.8 լիտր ծավալով երեք մխոցով շարժիչ է ունենալու: Այն համադրվելու է հնգաստիճան մեխանիկական փոխանցման տուփով:
Ըստ Motor-ի, մոդելն արտադրվելու է Հնդկաստանում եւ Մարոկկոյում Renault-Nissan-ի գործարաններում: Եթե այն հայտնվի եվրոպական շուկայում, ապա, ամենայն հավանականությամբ, կվաճառվի Dacia մակնիշի ներքո:
Ավելի վաղ հաղորդվում էր, որ Renault ընկերությունը մինչեւ տարեվերջ երեք նոր մոդելներ կներկայացնի: