Բրիտանացի պատգամավոր Սայադ Քարիմը՝ Հայաստան-ԵՄ միջխորհրդարանական հանձնաժողովի եվրոպացի համանախագահը, ողջունում է Եվրախորհրդարանի՝ Հայոց ցեղասպանության 100-րդ տարռլիցի կապակցությամբ ընդունված բանաձեւը։ Բանաձեւն ընդունվել է ապրիլ 15-ի լիագումար նիստում։ Այդ մասին NEWS.am-ին հայտնել են պատգամավորի գրասենյակից։
Ելույթ ունենալով նիստում՝ Սայադ Քարիմն ասել էր. «Հստակ է, որ թեեւ նախագահ Էրդողանը հայտարարել է, թե ուշադրություն չի դարձնելու մեր կազմակերպության հայտարարությանը, որքան երկար պիտի ուշադրություն չդարձնի բոլոր այն թուրքերին, որոնք գործնականում ասում են նույնը, ինչ մենք նշել ենք մեր բանաձեւում։
Ես ասում եմ թե թուրքերին, թե հայերին, մեր նպատակը կառուցողական է։ Մենք ուզում ենք օգնել կողմերին, քայլ առաջ, հարաբերությունների կարգավորմանն անել։ Բայց դրա համար մենք առաջին հերթին պետք է հավատարիմ մնանք մեր հիմնարար սկզբունքներին»։