Մոտ 40 երկիր հետաքրքրված է Եվրասիական տնտեսական միության հետ ազատ առեւտրի գոտի ստեղծելու մեջ։ Այս մասին ապրիլի 16-ին հայտարարել է ՌԴ Պետդումայի խոսնակ Սերգեյ Նարիշկինը։
«Մոտ 40 երկիր բանակցություններ է վարում ԵՏՄ-ի հետ ազատ առեւտրի գոտի ստեղծելու շուրջ»,- հայտարարել է Նարիշկինը՝ հավելելով, որ ԵՏՄ-ի հետ ազատ առեւտրի գոտու պայմանագիր ստորագրող առաջին պետությունը կլինի Վիետնամը։
Նրա խոսքով՝ փոխշահավետ մասշտաբային նախագծեր են իրականացվում Չինաստանի եւ Հնդկաստանի հետ, որը նպաստում է անդամ երկրների տնտեսությունների դիվերսիֆիկացիային եւ մոդերնիզացմանը։
Հիշեցնենք, որ ԵՏՄ կազմում են Ռուսաստանը, Բելառուսը, Ղազախստանը եւ Հայաստանը։ Մայիսին պլանավորվում է, որ միության անդամ կդառնա նաեւ Ղրղզստանը։