Audi ընկերությունը ներկայացրել է A6 L e-tron-ի սերիական տարբերակը, որը ցուցադրվել է երեք տարի առաջ, Պեկինի ավտոսրահում: Նորույթը մշակվել է հատուկ Չինաստանի համար: Այն A6 ընտանիքի երկրորդ հիբրիդային մոդելն է:
Նախկինում պատվերի համար հասանելի էր A6 hybrid տարբերակը, սակայն վաճառքի ցածր ցուցանիշների պատճառով 2014 թվականին աշնանն ընկերությունը որոշեց հրաժարվել դրանից:
Հիբրիդային մոդելը 124-ուժանոց էլեկտրական շարժիչ եւ 2 լիտրանոց բենզինե TFSI շարժիչ ունի՝ 211 ձիաուժ հզորությամբ:
Ըստ Motor-ի, նորույթի երկարությունը 5.02 մետր է, լայնությունը՝ 1.87 մետր, իսկ բարձրությունը՝ 1.46 մետր: Սովորական A6 սեդանը 87 մմ-ով կարճ է:
A6 L e-tron-ի հրապարակային շնորհանդեսը կայանալու է ապրիլի 22-ից բացվող Շանհայի ավտոսրահում: Արտադրությունը մեկնարկելու է Չանչուն քաղաքում, Volkswagen կոնցեռնի եւ չինական FAW ավտոարտադրողի համատեղ ձեռնարկությունում: Մեքենան վաճառքի կհանվի 2016 թվականին:
