Հռոմի Պապի հայտարարությունը բացարձակապես արդարացի էր, իսկ Թուրքիան պետք է ընդունի եվրոպական արժեքները, եթե ցանկանում է ԵՄ մտնել։ Այս մասին հայտարարել է Իտալիայի վարչապետ Մատեո Ռենցին՝ Ջորջթաունի համալսարանում ուսանողների հետ հանդիպման ժամանակ, գրում է La Stampa-ն։ Այսօր նա հանդիպում է ունենալու նաեւ ԱՄՆ նախագահ Բարաք Օբամայի հետ։
Իտալիայի վարչապետը պաշտպանել է Հռոմի Պապի հայտարարությունը եւ Թուրքիային կոչ արել ընտրություն կատարել. «Ես աջակցում են Թուրքիայի եվրաինտեգրացումը։ Սակայն Անկարան պետք է որոշում կայացնի եւ ընդունի, որ կիսում է մեր արժեքները»,- հայտարարել է Ռենցին։
Մի քանի օրվա լռությունից հետո Ռենցին որոշել է հստակ ու պարզ արտահայտվել, նշում է Tgcom24-ը։ «Հռոմի Պապը շատ հստակ բարձրաձայնեց այն, ինչ կատարվել էր Հայաստանում։ Թուրքիան արձագանքեց դրան, իսկ արտգործնախարար Ջենտիլիոնին քննադատեց Անկարայի հայտարարությունը։ Այս պահին Թուրքիայի ինտեգրման գործընթացը կախված է Անկարայից»,- ասել է Ռենցին։
