Թուրք պրոֆեսոր Գենջայ Գյուրսոյը հայտնել է, թե Էրդողանը փորձում է հայերին սպառնալ նոր տեղահանությամբ։
Թուրքական Evrensel-ի փոխանցմամբ՝ Եվրախորհրդարանի կողմից Հայոց ցեղասպանության բանաձեւի հետ կապված Էրդողանի արձագանքին է անդրադարձել թուրք հայտնի պրոֆեսոր Գենջայ Գյուրսոյը։
Թուրք պրոֆեսորը, հիշեցնելով Էրդողանի ասած այն բառերը, թե իրենք կարող էին արտաքսել հայերին, սակայն չեն արել, տեղահանությամբ սպառնալու փորձ է։
«Սա Էրդողանի անձնական քաղաքական գծի շարունակությունն է եւ զարմանալի չէ։ Սա ցույց է տալիս, թե ապագայում եթե Էրդողանը կարողանա ընտրություններում մեծ տոկոս հավաքի եւ երկիրը դարձնի նախագահական, ինչպիսին կլինի քրդերի եւ ազգային փոքրամասնությունների վիճակը։
Էրդողանի այս վարքագծի դեմ ժողովրդավարական եւ խաղարար հասարակությունը պետք է արձագանքի, սակայն հիմնական լուծումն առաջիկա խորհրդարանական ընտրություններում, հավասարակշռությունը պահպանելու համար, քրդական «Ժողովուրդների դեմոկրատական» կուսակցությանն ընտրելն է եւ դրանով Էրդողանին խանգարելը»,-ասել է Գենջայ Գյուրսոյը։
