Կարեն Դեմիրճյանի անվան մարզահամերգային համալիրը Պաշտպանության նախարարության վերահսկողությանը հանձնելն ամենաօպտիմալ քայլն էր: Այս մասին այսօր՝ ապրիլի 17-ին, լրագրողների հետ զրույցում ասաց Կարեն Դեմիրճյանի այրին՝ Ռիմա Դեմիրճյանը, որն ազգային հերոսի ծննդյան օրն այցելել էր Կոմիտասի անվան պանթեոն՝ ամուսնու գերեզմանին:
«Ինձ թվում է՝ ճիշտ քայլ են արել։ Ես գոհ եմ, համենայն դեպս թողեցին պետական հսկողության տակ: Եվ ուշադրության ու կարգապահության տեսանկյունից ամենահարմար նախարարությունն է»,-ասաց Ռիմա Դեմիրճյանը՝ նշելով, որ անվանափոխության մասին խոսք չի եղել եւ չի էլ կարող լինել:
