Արմեն Հովակիմյանը մեղադրվում է մի շարք գողություններ կատարելու մեջ:
Ինչպես հայտնում է ՀՀ Քննչական կոմիտեի մամուլի ծառայությունը, 2015թ. մարտի 10-ին Արմեն Հովակիմյանը ձերբակալվել է մայրաքաղաքում մի շարք բնակարանային գողություններ կատարելու համար: Պարզվել է, որ Արմենը մարտի 9-ին եւ 10-ին մտել է մայրաքաղաքի մի շարք բնակարաններ եւ այնտեղից տարատեսակ ապրանքներ գողացել: Ձերբակալվելուց հետո քննչական գործողությունների ժամանակ Արմենը խոստովանել է, որ ավելի քան 15 նմանատիպ գողություն է կատարել:
Նրա նկատմամբ Քննչական կոմիտեի Երեւան քաղաքի քննչական վարչության Երեւանի Աջափնյակ եւ Դավթաշեն վարչական շրջանների քննչական բաժնում հարուցվել է քրեական գործ ՀՀ քրեական օրենսգրքի 177-րդ հոդվածի 3-րդ մասով: Նա կալանավորված է:
Մանրամասները՝ Քննչական կոմիտեի տարածած տեսանյութում:
