Գյումրիում այսօր՝ ապրիլի 18-ին, սպանված հայտնաբերված մոր եւ դստեր վրա դանակի բազմաթիվ հարվածների հետքեր կան:
Այս մասին NEWS.am-ին ասաց Շիրակի մարզի դատախազ Րաֆֆի Ասլանյանը:
Նրա խոսքով՝ մոր անձնական տվյալներն այս պահին դեռ ճշտված չեն, իսկ դուստրը 1964թ. ծնված է:
Այս պահին դեպքի վայրում աշխատում է օպերատիվ-քննչական խումբը: Կատարվում է դեպքի վայրի զննություն:
Ավելի վաղ NEWS.am-ը հայտնել էր, որ մեր տեղեկություններով Գյումրիում սպանություն է տեղի ունեցել: Ըստ նախնական տեղեկությունների, Մհեր Մկրտչյան 34Ա շենքի բնակարաններից մեկում հայտնաբերել են մայր ու աղջկա՝ դանակահարված վիճակում: Թաղամասում տարածված տեղեկությունների համաձայն` տունը տակն ու վրա արված է եղել, ենթադրվում է, որ ավազակային հարձակում է եղել: