Հնդկաստանի արեւելքում գտնվող Բիհար նահանգում տեղի ունեցած ՃՏՊ-ում զոհվել է 6 երեխա, ավելի քան 10-ը վիրավոր է։

Ցածր դասարանների երեխաներ տեղափոխող ավտոբուսը անհայտ պատճառներով ամբողջ ուժով բախվել է անցնող մեքենային, որի հետեւանքով 6 երեխա մահացել է տեղում, եւս 5-ը ծայրահեղ ծանր վիճակում հիվանդանոց են տեղափոխվել, գրում է ՏԱՍՍ-ը։

Ընդ որում, բուժհաստատությունում, ուր տեղաբնակները հասցրել են տուժածներին, ոչ մի բժիշկ չի եղել։ Արդյունքում հնդիկները անկարգություններ են կազմակերպել եւ հրդեհել են կայանատեղում գտնվող մեքենաները։ Դեպքի վայրում աշխատում են ոստիկանները։