Հաշվի առնելով Հայաստանի ԿԲ-ի տարածած նախազգուշացումն այն մասին, որ «Ռոսս Գրուպ» ՓԲԸ–ի կողմից մատուցվող ծառայությունները պարունակում են հնարավոր զեղծարարության տարրեր, ինչպես նաև լրատվամիջոցների հրապարակումները «Ռոսս Գրուպպ» ՓԲԸ–ի գործունեության վերաբերյալ, ՀՀ գլխավոր դատախազության նախաքննության և հետաքննության օրինականության նկատմամբ հսկողության վարչության կողմից հրապարակումներն ուղարկվել են ՀՀ ոստիկանության կազմակերպված հանցավորության դեմ պայքարի գլխավոր վարչություն:
ՀՀ Գլխավոր դատախազությունից հայտնում են, որ հիշյալ վարչությունում կստուգվեն ՀՀ ԿԲ-ի հայտարարությունում և լրատվամիջոցների հրապարակումներում նշված հանգամանքները և նյութեր կնախապատրաստվեն:
Ավելի վաղ NEWS.am-ը հրապարակել էր Հայաստանի ԿԲ հայտարարությունը, որտեղ ԿԲ-ն քաղաքացիներին զգուշացնում էր, որ ՀՀ տարածքում գործում է «Ռոսս Գրուպպ» ՓԲԸ-ն, որի կողմից առաջարկվող «ծառայությունները» պարունակում են զեղծարարության տարրեր:
