Ապրիլի 19-ին Դոնի Ռոստովը միացել է«Անմահ հոգիներ» հիշատակի համառուսական միջոցառումներին, որոնք նվիրված են Օսմանյան կայսրությունում Հայոց ցեղասպանության 100-ամյակին։ Միջոցառման կազմակերպիչն է եղել հայ երիտասարդների Դոնի միությունը Դոնի Նախիջեւանի հայկական համայնքի աջակցությամբ։
Ռոստովում ակցիային մասնակցելու համար հավաքվել են հարյուրավոր մարդիկ՝ ինչպես հայկական համայնքից, այնպես էլ աշխարհի տարբեր ծայրերից ցեղասպանությունը ճանաչած մարդիկ, գրում է Dpmday-ը։
Սուրբ Հարություն եկեղեցում փուչիկներ արձակելուց առաջ հիշատակի աղոթք է տեղի ունեցել, որից հետո 1 րոպե լռությամբ հարգել են զոհերի հիշատակը։ Իսկ տեղական ժամանակով ժամը 19։15-ին հավաքվածները 300 սպիտակ լուսարձակող փուչիկ են բաց թողել, որոնք խորհրդանշել են ցեղասպանության անմեղ զոհերի հոգիները։