Ցեղասպանության զոհերի հիշատակին ապրիլի 26-ի երեկոյան Երեւանում երկինք բաց կթողնեն հարյուրավոր լուսավորված օդապարիկներ: Արդեն երկրորդ տարին անցկացվող միջոցառումը խորհրդանշում է Եղեռնի զոհերի հոգիների երկինք բարձրանալը:
«Մենք նաեւ օդապարիկների վրա գրել ենք՝ Արեւելյան Թուրքիան Արեւմտյան Հայաստանն է, պահանջում եմ իմ տունը Խարբերդում, կամ այլ վայրում: Աշխարհին ցանկանում ենք մեսիջ հղել, որ այդ ամենը վերադարձնելու ենք»,- NEWS.am-ին ասաց նախաձեռնության հեղինակ Հայկ Մարկոսյանը:
Օդապարիկները բաց կթողնեն Կիեւյան կամրջից ու դրա հարեւանությամբ գտնվող Թումանյանի այգուց:
