Ամերիկյան Washington Post պարբերականի Թեհրանի թղթակից Ջեյսոն Ռեզայանին, որին Իրանի իշխանությունները ձերբակալել էին անցյալ տարի ամռանը, չորս կետով մեղադրանք է առաջադրվել, այդ թվում՝ լրտեսության: Այս մասին երկուշաբթի տեղեկացրել է պարբերականը՝ վկայակոչելով մեղադրյալի փաստաբան Լեյլա Ահսանին:
ՏԱՍՍ-ի փոխանցմամբ, փաստաբանն ասել է, որ իր պաշտպանյալին նաեւ մեղադրել են «թշնամական կառավարությունների հետ համագործակցության եւ պետական կարգի դեմ քարոզչություն տարածելու մեջ»: