Ապրիլի 20-ին ԱԳ նախարարի տեղակալ Աշոտ Հովակիմյանն ընդունեց ՀՀ-ում Արգենտինայի նորանշանակ դեսպան Գոնսալո Ուռիոլաբեիտիային` հավատարմագրերի պատճենի հանձնման կապակցությամբ:
ԱԳՆ մամուլի ծառայությունից հայտնում են, թե, շնորհավորելով դեսպանին նշանակման կապակցությամբ, նախարարի տեղակալը հաջողություն մաղթեց նրան եւ հույս հայտնեց, որ իր առաքելության ընթացքում նա կնպաստի երկու երկրների միջեւ առկա ջերմ բարեկամական հարաբերությունների խորացմանը:
Կողմերը քննարկեցին երկկողմ հարաբերություններին վերաբերող հարցեր, ընդգծեցին մի շարք ոլորտներում համագործակցության ընդլայնման եւ ամրապնդման կարեւորությունը:
Հատուկ անդրադարձ կատարվեց միջազգային կազմակերպություններում համագործակցությանը, փոխայցելությունների կազմակերպմանը, ինչպես նաեւ Հայոց ցեղասպանության 100-րդ տարելիցին առնչվող հարցերին: