Թուրքիայի վարչապետ Ահմեդ Դավութօղլուի շինծու ներողությունը ճանաչում չի պարունակում եւ չի հանգեցնում ո՛չ պատասխանատվության, ո՛չ փոխհատուցման: Այս մասին ասված է Ամերիկայի Հայ դատի (ANCA) գրասենյակի ղեկավար Արամ Համբարյանի հայտարարությունում:
«Հայոց ցեղասպանության միջազգային ճանաչման ալիքի ֆոնին՝ Հռոմի Պապից մինչեւ Եվրախորհրդարան, Թուրքիայի առաջնորդները գռեհիկ կերպով համառում են»,- հավելել է Համբարյանը:
«Ապրիլի 24-ին նախագահ Օբաման պատմական հնարավորություն ունի մերժել տաբուի թուրքական կանոնը, փակել Անկարայի ժխտողականությանն ԱՄՆ-ի մասնակցության էջը, ինչպես նաեւ Անկարային, Երեւանին եւ ամբողջ տարածաշրջանն ուղղորդել դեպի ավելի լավ ապագա՝ հիմնված հանցագործության իրական եւ արդարացի լուծման վրա»,- ասված է հայտարարությունում:
Նշենք, որ Թուրքիայի արտգործնախարար Ահմեդ Դավութօղլուն այսօրվա հայտարարության մեջ նշել է, որ «ընդհանրացման ճանապարհով թուրք ժողովրդի վրա բարդել ամբողջ մեղքը վիճելի է ինչպես խղճի, այնպես էլ իրավական տեսանկյունից»:
