Ապրիլի 21-ին Ճապոնիայի «Ֆուկուսիմա 1» ԱԷԿ-ից ռադիոակտիվ հեղուկի է արտահոսել օվկիանոս։ Ինչպես տեղեկացնում է ատոմակայանի օպերատոր Tokyo Electric Power ընկերությունը, արտահոսքը պայմանավորված է եղել անձրեւաջրերի դուրս մղման համակարգի 8 պոմպերի խափանումով։
Միջադեպի պատճառը դեռեւս պարզ չէ։ Արտահոսած հեղուկի ծավալների մասին ոչինչ չի հաղորդվում, գրում է ՏԱՍՍ-ը։
Նշենք, որ «Ֆուկուսիմա 1» ակտոմակայանի ռադիոակտիվ ջրի արտահոսքը ԱԷԿ-ի հիմնական խնդիրներից է։ Այս պահին կայանում ռեակտորների սառեցման գործընթացի ժամանակ ռադիոակտիվ մասնիկներ պարունակող հեղուկի ծավալները օրական աճում են մոտ 350 տոննայով։ Հատուկ կոնտեյներում պահվող եւ մաքրման սպասող ռադիոակտիվ ջրի ընդհանուր ծավալը կազմում է 240 հազար տոննա։