Հայաստանի ՏԿԱԻՆ-ում, այսօր՝ ապրիլի 21-ին, ժամը 01.25-ին ահազանգ է ստացվել, որ Արագածոտնի մարզի Ծիլքար գյուղի մոտակայքում ավտոմեքենաները մերկասառույցի եւ ձյան պատճառով չեն կարողանում շարունակել ընթացքը. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Հրշեջ-փրկարարներն արգելափակումից դուրս են բերել «ՎԱԶ 2107» մակնիշի 34 ՏԼ 218 համարանիշով ավտոմեքենան:
***
Ապրիլի 21-ին, ժամը 00.37-ին ահազանգ է ստացվել, որ Լոռու մարզի Ջրաշեն գյուղի մոտակայքում երեք բեռնատար ավտոմեքենաներ արգելափակվել են ձյան մեջ. դուրս բերելու համար անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Հրշեջ-փրկարարները միջպետական Մ-3 ավտոճանապարհի Սպիտակ-Ապարան հատվածից (Սպիտակի ոլորաններ) դուրս են բերել 17 մարդատար եւ 1 բեռնատար ավտոմեքենա:
***
Ապրիլի 20-ին, ժամը 21.00-ին ահազանգ է ստացվել, որ Մ-11 միջպետական ավտոճանապարհին` Սոթք-Քարվաճառ հատվածում, «Վազ-2105» մակնիշի ավտոմքեքենան արգելափակվել է ցեխակույտի մեջ. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել հրշեջ-փրկարարակն ջոկատի օպերատիվ խումբը:
Հրշեջ-փրկարարները արգելափակումից դուրս են բերել «ՎԱԶ-2105» մակնիշի 14 LL 628 պ/հ (վարորդ Հ. Մ.) եւ «Ֆորդ Տրանզիտ» մակնիշի 34 NR 217 պ/հ (վարորդ Ս. Ա.) ավտոմեքենաները:
***
Ապրիլի 20-ին, ժամը 17.02-ին ահազանգ է ստացվել, որ Արագած լեռ բարձրացող ճանապարհին «Տոյոտա» մակնիշի ավտոմեքենան արգելափակվել է ձյան մեջ. ավտոմեքենան դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մարզային ՃԿԿ-ի օպերատիվ խումբը:
Հրշեջ-փրկարարները արգելափակումից դուրս են բերել «Տոյոտա Քեմրի» մակնիշի 29 OT 271 համարանիշով (վարորդ` Ռ. Բ.) ավտոմեքենան:
***
Ապրիլի 20-ին, ժամը 16.00-ին ահազանգ է ստացվել, որ Սոթք-Քարվաճառ ավտոճանապարհին` ոսկու հանքի մոտակայքում, «ԳԱԶել» մակնիշի ավտոմեքենան արգելափակվել է ցեխակույտի մեջ. ավտոմեքենան դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Վարդենիս-Քարվաճառ ավտոճանապարհի 39-րդ կմ-ում «ԳԱԶել» մակնիշի 35 UT 314 (վարորդ` Խ. Կ.) եւ «ԳԱԶ-2410» մակնիշի 33 TU 913 համարանիշներով ավտոմեքենաները արգելափակվել են ցեխակույտում:
Հրշեջ-փրկարարներն ավտոմեքենաները դուրս են բերել արգելափակումից:
