Մագնիսե բարձիկներով ճապոնական գնացքն արագության համաշխարհային ռեկորդ է սահմանել՝ թեստային փորձարկման ժամանակ զարգացնելով մինչեւ 603 կմ/ժամ արագություն, հաղորդում են տեղի լրատվամիջոցները:
Ռեկորդը սահմանվել է Յամանասի դեպարտամենտում, Ֆուձի լեռան մոտ տեղի ունեցած փորձարկման ժամանակ:
Առաջիկա շաբաթներին Ճապոնիայի իշխանությունները մտադիր են արագընթաց գնացքը շահագործել Տոկիո-Նագոյա ուղերթում: Սպասվում է, որ գնացքը 208 կմ հեռավորությունը կանցնի 40 րոպեում, հաղորդում է BBC-ի ռուսական ծառայությունը:
Գնացքների արագության նախկին ռեկորդը Ճապոնիայում սահմանվել էր ապրիլի 16-ին՝ 560 կմ/ժամ: