Չի բացառվում, որ ապրիլի 23-24-ին թուրքական եւ արդրբեջանական հաքերները հարձակում գործեն հայկական լրատվական եւ պաշտպանության ոլորտին վերաբերող կայքերի վրա։ Այս մասին այսօր՝ ապրիլի 21-ին, լրագրողներին ասաց տեղեկատվական անվտանգության փորձագետ Սամվել Մարտիրոսյանը։
Փորձագետի խոսքով՝ առաջիկա օրերին վտանգ է սպասվում թե տեխնիկական, թե բովանդակային առումով։
«Այդ օրերին վտանգ կա, որ հարձակումները կուժեղանան։ Կարելի է սպասել զանգվածային կայքերի վրա հարձակում, սակայն սա լուրջ պետք չէ ընդունել։ Խնդիրն այն կլինի, եթե հարձակվեն լրատվական եւ պաշտպանության ոլորտին վերաբերող կայքերի վրա, որը մի քանի անգամ եղել է»,- ասաց Սամվել Մարտիրոսյանը։
Ինչ վերաբերվում է բովանդակային առումով հարձակումներին, ապա Սամվել Մարտիրոսյանի կարծիքով, հայկական կողմը բավականին շահեկան դիրքում է գտնվում, քանի որ Հայոց ցեղասպանության քարոզչությունն արվում է ամբողջ աշխարհով, հատկապես հայկական տեսակետը պաշտպանող։
