Թուրքիայի Ստամբուլում եւ մի շարք նահանգներում կազմակերպված գործողությունների արդյունքով ձերբակալված ոստիկաններին տեղափոխել են դատարան։

Թուրքական CNNturk-ի փոխանցմամբ՝ Թուրքիայի Ստամբուլի դատախազության ահաբեկչության եւ կազմակերպված հանցագործությունների դեմ պայքարի բյուրոյի կողմից սկսված հետաքննության շրջանակներում ձերբակալված 29 ոստիկանների դեմ նախնական հետաքննությունն ավարտվել է, որոնցից 17-ին ներկայացրել են դատարան։ Դատարանը որոշել է 17 ոստիկանի նկատմամբ խափանման միջոց ընտրել կալանքը։

Նշենք, որ «զուգահեռ կառույցի» գործով անցնող ոստիկանները մեղադրվում են լրտեսության եւ հեռախոսազրույցների անօրինական գաղտնալսումների մեջ։