Սերբիայի նախագահ Տոմիսլավ Նիկոլիչի Falcon 50 օդանավի հետ կապված միջադեպի պատճառը, որի պատճառով հետաձգվել էր ապրիլի 17-ին նրա Վատիկան կատարելիք այցը, սուրճն է եղել, որը երկրորդ օդաչուն թափել է օդանավի կառավարման վահանակի վրա:
Reuters-ի փոխանցմամբ, նման եզրակացության են եկել Սերբիայի քաղավիացիայի վարչության քննիչները, որոնք ուսումնասիրում են տեղի ունեցածի հանգամանքները:
Ապրիլի 17-ին Վատիկան թռչող Նիկոլիչի օդանավը ստիպված է եղել վերադառնալ Բելգրադ: Նշվում էր, որ պատճառը օդանավի շարժիչներից մեկի խափանումն է եղել, հաղորդում է ՏԱՍՍ-ը:
Քննիչները պարզել են, որ շարժիչն անջատելու պատճառը երկրորդ օդաչու Բոյան Զորիչի գործողություններն են եղել: Ըստ քննիչների, նա սուրճը թափել է կառավարման վահանակի վրա, ապա սկսել է սրփել այն ու այդ պահին պատահաբար սեղմել է վթարային կոճակը: Արդյունքում անջատվել է ինքնակառավարման ռեժիմը, եւ օդանավը սկսել է կտրուկ կորցնել բարձրությունը»:
Փորձառու առաջին օդաչուին որոշակի ժամանակ է անհրաժեշտ եղել, որպեսզի ուղղի օդանավը եւ բարեհաջող վայրէջք կատարի Բելգրադի Նիկոլա Տեսլայի անվան օդանավակայանում:
Սերբիայի քաղավիացիայի վարչության որոշմամբ, երկրորդ օդաչուն ժամանակավորապես զրկվել է օդանավ վարելու իրավունքից:
