Ալեքսանդրիայի Պապ և Սուրբ Մարկոսի Աթոռի պատրիարք, Ղպտի Ուղղափառ Եկեղեցու առաջնորդ Թեոդորոս Բ-ն հերքել է Հայաստան իր այցի եւ Եգիպտոսի ու Թուրքիայի դիվանագիտական վեճի միջեւ որեւէ կապի առկայությունը։ Ինչպես գրում է «Ալ Ահրամը», նա հայտարարել է, որ Հայաստան կատարվելիք այցով նա նպատակ ունի հարգել Օսմանյան կայսրության տարածքում Հայոց ցեղասպանության զոհերի հիշատակը։
Նշենք, որ Ալեքսանդրիայի պատրիարք Թեոդորոս 2-րդը 115 եգիպտացի լրագրողների եւ հայ էմիգրանտներից բաղկացած պատվիրակության գլխավորությամբ ժամանել է Հայաստան, որպեսզի մասնակցի Երեւանում Ցեղասպանության 100-ամյակի միջոցառումներին։
Ինչպես տեղեկացնում է լիբանանյան «Նահարնեթ» կայքը, Անտիոքի մարոնի պատրիարք Բեշար էլ Ռային նույնպես գալու է Հայաստան Ցեղասպանության 100-ամյակի միջոցառումներին մասնակցելու համար։
