BMW-ն գլխավորել է աշխարհի ամենից հարգված կորպորացիաների վարկանիշը, որը կազմել է Reputation Institute խորհրդատվական գործակալությունը: 100 ընկերությունների վարկանիշային ցանկի երկրորդ տեղում ինտերնետ-հսկա Google-ն է, երրորդ տեղում՝ Daimler ավտոկոնցեռնը:
Ցանկի առաջին հնգյակում են նաեւ Rolex-ն ու LEGO Group-ը, իսկ լավագույն տասնյակում հայտնվել են Walt Disney Company, Canon, Apple, Sony եւ Intel ընկերությունները: Ավանդաբար, հետազոտությունն անցկացվում է աշխարհի խոշորագույն 15 երկրներում՝ Ավստրալիայում, Բրազիլիայում, Կանադայում, Չինաստանում, Ֆրանսիայում, Գերմանիայում, Հնդկաստանում, Իտալիայում, Ճապոնիայում, Մեքսիկայում, Ռուսաստանում, Հարավային Կորեայում, Իսպանիայում, Մեծ Բրիտանիայում եւ ԱՄՆ-ում:
BBC-ի ռուսական ծառայության փոխանցմամբ, սպառողներին խնդրել են ընկերություններին գնահատել մի քանի չափանիշներով, որոնց թվում են նորարարությունները, ապրանքների եւ ծառայությունների որակը եւ այլն:
