Կառավարությունը 15.3 մլն դրամ կծախսի հայրենասիրական դաստիարակության սկավառակներ թողարկելու համար։ Այս մասին համապատասխան որոշումը կայացվել է ապրիլի 22-ին կայացած Կառավարության նիստում։
Ինչպես հայտարարել է կրթության եւ գիտության փոխնախարար Մանուկ Մկրտչյանը, պլանավորվում է պատվիրել 7.5 հազար սկավառակ։ Նույն որոշմամբ հաստատվել է հանրակրթական դպրոցների դասագրքերի բաշխման կարգը, որոնց թվում՝ հայերենի, մաթեմատիկայի, ռուսերենի եւ օտար լեզուների, բնագիտության, եկեղեցու պատմության, նկարչության, շախմատի, իսկ ազգային փոքրամասնությունների համար՝ եզդիերենի եւ քրդերնի դասագրքերը։