Լյուքսեմբուրգի քրիստոնեա-սոցիալական ժողովրդական կուսակցությունը բանաձեւի նախագիծ է ներկայացրել, որով հայերի կոտորածներն առաջարկում է ճանաչել ցեղասպանություն: Այս մասին գրում է «Nouvelles d'Arménie» ամսագիրը՝ վկայակոչելով «RTL Luxembourg»-ը:
Այդ կուսակցությունը ցանկանում է, որպեսզի Լյուքսեմբուրգի պատգամավորների պալատը հետեւից Ֆրանսիայի խորհրդարանին եւ Եվրոպական խորհրդարանին՝ ճանաչելով Հայոց ցեղասպանությունը: Դրա համար կուսակցությունը բանաձեւի նախագիծ է պատրաստել: Նրանք առաջարկում են բանաձեւն ընդունել հաջորդ շաբաթ, ու եթե հնարավոր է, միաձայն:
Պատգամավոր Լորան Մոզարի խոսքով, բանաձեւում նշվում է, որ 1915-ին Օսմանյան Կայսրությունում հայերի նկատմամբ տեղի ունեցած գազանային հանցագործությունները ցեղասպանություն են:
Լյուքսեմբուրգի վարչապետ Քսավյե Բետելյուին բրիֆինգի ժամանակ այս թեմայով հարց են ուղղել, սակայն նա այն վերահասցեագրել է ԱԳ նախարարին: