Հանրապետական խմբակցության ղեկավա Բահրամ Բաղդասարյանը կոչ է արել չշտապել ԱՄՆ նախագահ Բարաք Օբամայի առաջիկա հայտարարության կապակցությամբ մեկնաբանությունների հարցում։
«Պետք չէ հապշտապ մեկնաբանություններ անել Սպիտակ տան հայտարարության կապակցությամբ։ Պետք է սպասել մինչեւ ապրիլի 24-ը, երբ նախագահն ավանդաբար ուղերձով է հանդես գալիս»,- ասել է Բաղդասարյանը NEWS.am-ի թղթակցի հետ զրույցում։
Նրա խոսքով, չարժե ենթադրություններ անել Օբամայի ապագա ելույթի կապակցությամբ, քանի որ ընդհանուր առմամբ վարչակազմը նախապես ոչին չի ասում։ «Մենք վստահ ենք, որ ի վերջո Օբաման կասի ցեղասպանություն բառը։ ԱՄՆ-ի պես հոզոր երկրի ղեկավարը չի կարող խուսափել պատմական իրողություններից եւ կասի այդ բառը։ Առավել եւս, որ մինչեւ նախագահի պաշտոնում ընտրվելը նա ասել է ցեղասպանություն բառը»,- նկատել է Բաղդասարյանը։