Հայոց ցեղասպանության 100-րդ տարելիցին ընդառաջ ճիշտ ժամանակն է, որ ոչ հայերը բարձրաձայնեն Ցեղասպանության մասին: Այս մասին այսօր՝ ապրիլի 22-ին, NEWS.am-ի հետ զրույցում ասաց Ավստրիայից ժամանած հաղորդակցության գծով փորձագետ Կարմեն Բենդովսկին, որը միջազգային «Ավաազ» պորտալում խնդրագիր է նախաձեռնել՝ Հայոց ցեղասպանության ճանաչման համար:
«Արդեն մի քանի հազար ստորագրություն եմ հավաքել: Հույս ունեմ, որ մինչեւ այս տարվա վերջ կհավաքեմ անհրաժեշտ 10 հազար ստորագրությունները: Հայերը վերջին տասը տարիներին արել են այն, ինչ կարող էին՝ իրենց ձայնը լսելի դարձնելու, իրենց ողբերգությունը, պատմությունը աշխարհին հայտնի դարձնելու համար: Մեծ աշխատանք են կատարել գիտնականներն ու պատմաբանները, քիչ աշխատանք չեն կատարել նաեւ քաղաքական գործիչները: Սակայն այսօր ճիշտ ժամանակն է, որ ոչ հայերը բարձրաձայնեն Ցեղասպանության մասին»,- ասաց Կարմեն Բենդովսկին:
Նա նշեց, որ միջազգային հանրությունը վերջին օրերին մեծ աշխատանք է կատարել, մասնավորապես Ավստրիայի խորհրդարանն ընդունել է Հայոց ցեղասպանությունը:
