Հայոց Ցեղասպանության ողբերգությունը, որը տեղի է ունեցել 100 տարի առաջ, չպիտի կրկնվի մեր օրերում։ NEWS.am-ի հետ զրույցում նման կարծիք է հայտնել Սանկտ Պետերբուրգի միտրոպոլիտ, Մոսկվայի պատրիարքարանի գործերի կառավարիչ, «Ընդդեմ ցեղասպանություն հանցագործության» երկօրյա գլոբալ ֆորումում ռուս ուղղափառ եկեղեցու պատվիրակության ղեկավար Վարսոնոֆին։
«Չի կարելի մարդկանց սպանել ուղղակի, հենց այնպես։ Դա Աստծու պատվիրանների խախտում է եւ մեծ մեղք։ Սակայն դա տեղի է ունեցել»,- նշեց միտրոպոլիտը։
Սանտ Պետերբուրգի միտրոպոլիտը հավելեց, որ շատ քաղաքական գործիչներ խուսափում են այդ բառն օգտագործել, սակայն եկեղեցու այդ թվում՝ Ռուս ուղղափառ եկեղեցու ներկայացուցիչները կարող են հանգիստ օգտագործել այն։
«Մենք Կիրիլ պատրիարքի անունից մեր համերաշխությունը կհայտնենք Հայ առաքելական եկեղեցուն»,- ասաց նա։