Ռուսաստանի նախագահ Վլադիմիր պուտինը հինգշաբթի հագեցած աշխատանքային օր է ունենալու։ Ինչպես լրագրողներին հայտնել է նրա մամուլի քարտուղար Դմիտրի պեսկովը, Պուտինը բանակցություններ կվարի Արգենտինայի նախագահ Կրիստինա Ֆերնանդես դե Կիրշների հետ, օպերատիվ խորհրդակցություն կանցկացնի ՌԴ Անվտանգության խորհրդի անդամների հետ, Ֆինլանդիայի նախագահի հետ հեռախոսով կքննարկի ՌԴ եւ ԵՄ հարաբերությունները, իսկ ուշ երեկոյան կժամանի Երեւան։

Պեսկովը նշել է, թե Կիրշների հետ բանակցությունները կայանալու են նեղ եւ ընդլայնված կազմերով, ապա համատեղ փաստաթղթեր կստորագրվեն։

Ուրբաթ օրը Պուտինը Հայաստանում մասնակցելու է Հայոց ցեղասպանության 100-րդ տարելիցին նվիրված միջոցառումներին։