Հայոց ցեղասպանության զոհերի հիշատակն այսօր մեզ ակտիվ գործողությունների է դրդում. Մենք պետք է գործենք իրար տեղեկացնելով՝ միջազգային հանրության գործիքներն ու հնարավորություններն օգտագործելով: Այս մասին, այսօր՝ ապրիլի 23-ին, «Ընդդեմ ցեղասպանության հանցագործության» երկօրյա գլոբալ ֆորումի ժամանակ հայտարարել է Եկեղեցիների համաշխարհային խորհրդի գլխավոր քարտուղար Օլավ Ֆիսկե Թվեյթը (Նորվեգիա):
«Մենք հարգանքի տուրք ենք մատուցում անմեղ զոհերին եւ եւ ճանաչում այն, ինչը տեղի է ունեցել: Համաշխարհային եկեղեցիներն աղոթում են ողջ աշխարհի հայերի համար, 1,5 մլն զոհերի համար, հայ երեխաների, կանանց ու տղամարդկանց համար»,-ասել է նա:
Օլավ Ֆիսկե Թվեյթը նշել է, որ ցավոք, շատ կառավարություններ, այդ թվում Նորվեգիայի կառավարությունը, չի կատարել իր բարոյական պարտքը եւ 1915-ի դեպքերը չի կոչել Ցեղասպանությունը:: Սակայն, «վերջին խոսքի իրավունքը չի մնա անարդարության ու բռնությանը, - ամփոփել է նա:
