Որոշ երկրներ պաշտոնապես ճանաչել են ցեղասպանությունը, մյուսները՝ ոչ: Խորվաթիայի կողմից Հայոց ցեղասպանության ճանաչումը կախած է նման որոշումներ ընդունելու համար պատասխանատու անձանցից: NEWS.am-ի թղթակցի հետ զրույցում նման կարծիք հայտնեց Հայաստանում Խորվաթիայի դեսպան Իվան Վելիմեր Ստարցեւիչը:
Խորվաթիան դեռեւս պաշտոնապես չի ճանաչել Հայոց ցեղասպանությունը, սակայն դեսպանի խոսքով՝ կասկած չկա, որ 1915թ. հայերի նկատմամբ տեղի ունեցածը սարսափելի հանցագործություն է, եւ Խորվաթիայի ժողովուրդը ցավակցում է հայ ժողովրդին՝ սատարելով Ցեղասպանության զոհերի հիաշատակի միջոցառումները:
Դեսպանն այսօր՝ ապրիլի 23-ին, մասնակցել է ֆորումին՝ հույս ունենալով Հայոց ցեղասպանության մասին կարեւոր հայտարարություններ լսել կարեւոր մարդկանցից: «Ես այստեղ եմ իմ երկրի նախագահի անունից: Ես այստեղ եմ՝ փոխանցելու Խորվաթիայի ժողովրդի համերաշխությունը հայ ժողովրդին», - նշեց դեսպանը:
