Փոքր Ասիայում հայերի վաղնջական բնակությունը հաստատող Իվան Գրոզնու տարեգրքի կրկնօրինակը փոխանցվել է Երեւանի պետական համալսարանին, իսկ մյուս օրինակը շուտով կփոխանցվի Աթենքին: Այդ մասին այսօր՝ ապրիլի 23-ին, լրագրողներին հայտարարել է ռուս գործարար Գերման Ստերլինգովը:
«Այո, մենք պատրաստվում ենք դրա մի օրինակը փոխանցել հույներին: Քանի որ ներկայիս Թուրքիայի հողերը մի մասը հունական են, մի մասը՝ հայկական: Եւ տարեգրության մեջ այդ մասին խոսվում է: Այդ պատմական հուշարձանը եւ հայերին, եւ հույներին թույլ կտա իրենց իրավունքները էլ ավելի վստահ պաշտպանել: Ընդհանրապես Օսմանյան կայսրության գործողություններից տուժած բոլոր ժողովուրդները պետք է միավորեն իրենց ջանքերը: Հայերը, բուլղարները, սերբերը, հույները: Այս կերպ հաջողությունը կբազմապատկվի», - ասել է Ստերլիգովը:
Նա ընդգծել է, որ Ռուսաստանն ինքն է տուժել միլիոնավոր ռուսների կյանքեր խլած Ցեղասպանությունից: «Ինձ՝ որպես ռուս մարդու, շատ լավ հայտնի է, թե ինչ է ցեղասպանությունը: Ուստի մենք սատարում ենք հայերին՝ նրանց արդարացի հարցադրման մեջ: Եւ յուրաքանչյուր պարկեշտ մարդ պետք է սատարի հայերին: Աշխարհի բոլոր պարկեշտ մարդիկ: Քանի որ եթե մի ժողովրդի նկատմամբ անարդարություն է իրականացվել, կարող է իրականացվել նաեւ մյուսների նկատմամբ: Կառավարությունները սահմանափակված են դիվանագիտական արձանագրությամբ, ուստի ջանքեր պետք է գործադրեն նաեւ մասնավոր անձինք: Եվ այստեղ պետք է ներգրավել հայերին, ովքեր աշխարհում ունեն հսկայական կշիռ: Ինչպես նաեւ նրանց աջակցող ոչ հայերին», - գերման Ստերլիգովը: