Վստահ եմ, որ Թուրքիան երբեւէ կճանաչի պատմության այդ սարսափելի դրվագը, չնայած Թուրքիայի ղեկավարությունն առայժմ ընտրում է ցավալի, Ռուսաստանին չափազանց ծանոթ հռետորաբանություն՝ «պատերազմի ժամանակ նաեւ բազմաթիվ թուրքեր են զոհվել» ոգով: Twitter-ում նման գրառում է կատարել ռուսաստանցի հայտնի հաղորդավարուհի Քսենիա Սոբչակը:
«Հավերժ հիշատակ Հայոց ցեղասպանության բոլոր զոհերին: Այսօր ամբողջ աշխարհը ձեզ հետ է: Պատմության ամենամութ էջերը ճանաչելն ուժեղների արտոնությունն է: Վստահ եմ, որ Թուրքիան երբեւէ կճանաչի պատմության այդ սարսափելի դրվագը, չնայած Թուրքիայի ղեկավարությունն առայժմ ընտրում է ցավալի, Ռուսաստանին չափազանց ծանոթ հռետորաբանություն՝ «պատերազմի ժամանակ նաեւ բազմաթիվ թուրքեր են զոհվել» ոգով: Աստված Հայ ժողովրդին բարգավաճում եւ բարեկեցություն տա: Հավերժ հիշատակ»,- գրել է Սոբչակը:
