Իսրայելի պատվիրակությունը փոփոխություններ չի մտցրել Հայոց ցեղասպանության հարցում կառավարության պաշտոնական դիրքորոշման մեջ։ Այդ մասին գրում է «The Jerusalem Post»-ը։
Կնեսետի անդամներ Նահման Շայն ու Անատ Բերկոն ներկայացնում են Իսրայելը Երեւանում Ցեղասպանության զոհերի հիշատակի արարողություններին։
«Հպարտ եմ ներկայացնելու Իսրայելն ու հրեա ժողովրդին այս պատմական իրադարձությանը։ Մենք հասկանում ենք ավելի, քան մյուս ժողովուրդները, հայ ժողովրդի ցավ ու տառապանքները»,- ասել է Շայը Հայաստանի նախագահի հետ զրույցում։
Իր հերթին «Մերեց» կուսակցության առաջնորդ Զախավա Գալյոնը, ապրիլի 24-ին ելույթ ունենալով հայկական եկեղեցում, հայտարարել է, թե պատվիրակությունը «չի կարող հերքել, որ Իսրայելի կառավարությունը շարունակում է մաս կազմել Հայոց ցեղասպանության ժխտմանը»։
«Արտգործնախարարությունը պատվիրակությանը հանձնարարել է Հայոց ցեղասպանությունը դիտարկել որպես մարդկային ողբերգություն եւ չասել, թե սա ազգի սպանություն էր»,- ասել է նա։
Նրա խոսքով Հոլոքոսթ վերապրած, ժխտման իմաստը գիտակցող եւ մինչ օրս դրա դեմ պայքարով հրեա ժողովրի համար «գլխավոր բարոյական պարտավորությւոնն է զգայուն լինել այլ ժողովուրդների նկատմամբ, այլ ոչ թե ժխտել ցեղասպանությունը»։
