Հայերի ոչնչացման ստվերը հասավ մինչեւ Հոլոքոսթ։ Այդ մասին ասվում է ԱՄՆ Հոլոքոսթի թանգարանի հրապարակման մեջ։
«Հայերի ոչնչացումը երկար սվերներ նետեց, որոնք հասան մինչեւ Հոլոքոսթ։ Օսմանյան Թուրքիայում ԱՄՆ դեսպանի որդին՝ Հենրի Մորգենթաուն Ֆրանկլին Ռուզվելտի ժամանակ ԱՄՆ գանձապետարանի ղեկավարն էր։ Հենրի Մորգենթաու-կրտսերը, այդ թվում Հայոց ցեղասպանության հիշողությունների ազդեցության տակ, դարձավ Ռազմական փախստականների խորհրդի առանցքային նախաձեռնողներից մեկը։ Այդ խորհուրդն ավելի քան 200 հազար հրեաների փրկեց նացիզմի ճիրաններից Եվրոպայում։
Հրեական ծագմամբ լեհ իրավաբան Ռաֆայել Լեմկինը ձեւակերպեց ազգային խմբերի միջազգային իրավական պաշտպանության անհրաժեշտությունը հենց հայերի դեմ հարձակումների մասին տեղեկությունների հիման վրա։ Երբ նրա ընտանիքը սպանվել էր Հոլոքոսթի ժամանակ։ Լեմկինը անդադար առաջ էր մղում այդ գաղափարը, որն իր արտացոլումը ստացավ ՄԱԿ-ի Կոնվենցիայում։
Ապշեցնում է Ֆրանց Վերֆելի «Մուսա լեռան 40 օրը» գրքի ճակատագիրը։ Այն գաղտնի ձեռքից ձեռք էր անցնում հրեական գետտոներում։ Հրեաներն այդ գրքից ուժ էին ստանում պայքարի եւ դիմադրության համար», ասվում է հրապարակման մեջ։
Նշենք, որ թանգարանն այս օրերին Հայոց ցեղասպանությանը նվիրված ցուցահանդես է կազմակերպել։