Կարեւոր չէ՝ Թուրքիան կճանաչի՞, թե՞ չի ճանաչի Հայող ցեղասպանությունը. Թուրքիայի ճանաչմամբ հարցը չի լուծվի: Այդ մասին այսօր՝ ապրիլի 24-ին Ծիծեռնակաբերդի հուշահամալիրում լրագրողներին հայտարարեց լիբիանանյան «Ախթամար» միության ղեկավար Օնիկ Քանթարջյանը:
«Լինի սփյուռքի համայնքներում, լինի Հայաստանում՝ հայերը պետք է արժանին լինեն Հայոց ցեղասպանության զոհերի հիշատակին: Մենք շատ անելիքներ ունենք՝ չնայած արդեն իսկ առկա ձեռբերումներին եւ ներուժին: Պահանջողը պետք է ուժեղ լինի, թույլի պահանջը արձագանք չի ստանում», - ընդգծեց Քանթարջյանը: Նրա խոսքով՝ իր ղեկավարած պատվիրակությունը Հայոց ցեղասպանության տարելիցի նախօրեին այցելել է Արեւմտյան Հայաստան. հայկական եկեղեցիներում եւ ճարտարապետական կոթողներում կախել անմոռուկներ՝ զոհերի հիշատակի խորհրդանիշներ: «Այս կերպ մենք փորձեցինք հանգստություն բերել Ցեղասպանության զոհերի հիշատակին», - հստակեցրել է Քանթարջյանը:
