Թուրքիան մեծ տերություն է, եւ Հայաստանը քաղաքականության մեջ չի կարող հաղթել վերջինիս, քանի որ քաղաքականությունում բոլորը ստում են: Այդ մասին NEWS.am-ի թղթակցի հետ զրույցում հայտարարեց լիբանանահայ Հակոբ Սեիսյանը:
Նա պատմեց, որ իր հարազատներից փրկվել է միայն հայրը, ով արդյունքում կորցրել էր իր 5 եղբայրներին: «Միայն իմ հայրը կարողացավ փրկվել եւ տեղափոխվել Լիբանան: Ես ծնվել, մեծացել, ամուսնացել եմ այնտեղ, ունեմ երեխաներ, սակայն մինեւ օրս ցանկանում եմ վերադառնալ հայրենիք, ցանկանում եմ վերադարձնել հայկական հողերը: Սակայն դա հնարավոր է միայն ուժի, այլ ոչ թե քաղաքական ճանապարհով», - կարծիք հայտնեց Սեիսյանը:
Անդրադառնալով այն հարցին, որ շատ երկրներ այս տարի նույնպես ճանաչեցին Ցեղասպանությունը՝ լիբանանահայը նկատեց. «Միգուցե ամբողջ աշխարհը ճանաչի Ցեղասպանությունը, սակայն ավելին նրանք կարո՞ղ են անել: Մենք պետք է հույսը դնենք միայն մեզ վրա: Մեզ միայն մի բան կփրկի՝ ամբողջ աշխարհի հայերի միավորումը: Ողջ աշխարհի հայերը պետք է միավորվեն մեկ պետության՝ Հայաստանի շուրջ»: