Նման սարսափելի իրադարձություններին արդարացում չկա, եւ դրա մասին հիշողությունը պետք է պահպանվի սերունդների միջեւ: Բոլոր ժողովուրդները պետք է հնարավորություն ունենան առանց պատերազմների ու ագրեսիայի: Այս մասին հայտարարել է ՌԴ Իրկուտսկի նահանգապետ Սերգեյ Երոշչենկոն՝ «Իրկուտսկի հայ մշակութային ընկերակցության» ներկայացուցիչների հետ հանդիպման ժամանակ, անդրադառնալով Հայոց ցեղասպանության թեմային:
«Իրկուտսկի մարզում ապրում են տարբեր ազդերի ներկայացուցիչներ: Մենք պետք է հարգենք միմյանց սովորություններն ու ավանդույթները, ձեւավորենք հարգանք պատմական ժառանգության եւ մշակութային արժեքների նկատմամբ»,-ասել է նա:
Նշենք, որ այսօր՝ ապրիլի 24-ին Իրկուտսկում բացվել է «Հայոց ցեղասպանություն. 100 տարի անց պատմությունը մոռացված չէ» խորագրով ցուցահանդեսը: